ਨੋਕੀਆ ਬ੍ਰਾਂਡ ਦੇ ਮੋਬਾਈਲ ਬਣਾਉਣ ਵਾਲੀ ਕੰਪਨੀ ਐਚਐਮਡੀ ਗਲੋਬਲ ਨੇ ਟਵਿੱਟਰ ’ਤੇ ਟੀਜ਼ਰ ਸਾਂਝਾ ਕਰਦਿਆਂ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਕਿ ਨੋਕੀਆ 4.2 ਨੂੰ ਭਾਰਤ ਚ 7 ਮਈ 2019 ਨੂੰ ਲਾਂਚ ਕੀਤਾ ਜਾਵੇਗਾ। ਅਧਿਕਾਰਿਤ ਟੀਜ਼ਰ ਚ ਵੀਡੀਓ ਦੀ ਵਰਤੋਂ ਹੋਈ ਹੈ ਜਿਸ ਵਿਚ ਇਕ ਮੋਬਾਈਲ ਬਾਰੇ ਜਾਣਕਾਰੀ ਦਿੱਤੀ ਜਾ ਰਹੀ ਹੈ।
ਜਾਣਕਾਰੀ ਮੁਤਾਬਕ ਗਲੋਬਲ ਮਾਰਕਿਟ ਚ ਨੋਕੀਆ 4.2 ਦੇ 2 ਜੀਬੀ ਰੈਮ ਅਤੇ 16 ਜੀਬੀ ਰੈਮ ਸਟੇਰੇਜ ਵਰਗ ਦੀ ਕੀਮਤ ਲਗਭਗ 11,700 ਰੁਪਏ ਹੈ। ਇਸ ਫ਼ੋਨ ਦਾ 3 ਜੀਬੀ ਰੈਮ ਅਤੇ 32 ਜੀਬੀ ਸਟੋਰੇਜ ਵਾਲਾ ਫ਼ੋਨ ਲਗਭਗ 13,800 ਰੁਪਏ ਚ ਵਿਕੇਗਾ।
ਨੋਕੀਆ 4.2 ਫਰੰਟ ਅਤੇ ਬੈਕ ਪੈਨਲ ਤੇ 2.5 ਡੀ ਗਲਾਸ ਹੈ। ਫ਼ੋਨ ਚ 5.71 ਇੰਚ ਦੀ ਐਚਡੀ + ਸਕਰੀਨ ਹੈ। ਇਸ ਮੋਬਾਈਲ ਚ ਓਕਟਾ ਕੌਰ ਕਵਾਲਕਾਮ ਸਨੈਪਡ੍ਰੈਗਨ 439 ਪ੍ਰੋਸੈਸਰ ਦੀ ਵਰਤੋਂ ਕੀਤੀ ਗਈ ਹੈ। ਇਹ ਫ਼ੋਨ 400 ਜੀਬੀ ਤਕ ਦਾ ਮੈਮਰੀ ਕਾਰਡ ਸਪੋਰਟ ਕਰੇਗਾ।
ਖਾਸ ਗੱਲ ਇਹ ਹੈ ਕਿ ਇਹ ਸਮਾਰਟ ਫ਼ੋਨ ਭਾਰਤ ਚ ਐਂਡਰਾਇਡ ਪਾਈ ਨਾਲ ਉਤਾਰਿਆ ਜਾਵੇਗਾ। ਇਸਦਾ ਪ੍ਰਾਈਮਰੀ ਕੈਮਰਾ 13 ਮੈਗਾਪਿਕਸਲ ਦਾ ਹੈ ਜਦਕਿ ਇਸਦਾ ਸੈਲਫੀ ਕੈਮਰਾ 8 ਮੈਗਾਪਿਕਸਲ ਦਾ ਹੋਵੇਗਾ।
No comments:
Post a Comment